《沖涼真係好重要》
某日返P
嗰日返工好忙
因為唔夠人手，又要收症
成個ward忙到痴左線
然後有個屋企人行出黎幾次叫我幫佢個仔沖涼
我話我好忙，叫佢等等
點知佢就等唔切走去搵第2個姑娘叫佢幫佢個仔沖涼
個姑娘梗係唔得閒睬佢啦
跟住我終於做晒啲野行埋去佢果度
我：其實我地個病房平時朝早沖涼架wo, 你個仔今朝無沖涼咩？
屋企人：佢無沖呀！
我：ok, 一係咁，今日真係好忙，我幫佢抹身啦好無？
屋企人：佢唔抹身架，佢慣左要落水沖涼架
我：.............好！！(忍住）
果然係一個好唔識體諒人嘅人😩
放工果陣忍唔住同返N嘅同事講e件事！
點知佢同我講話朝早已經沖過一次涼！
佢老豆竟然呃我
呃我嘅原因係佢個仔平時慣左1日要沖2次涼！！
好嬲😡😡😡😡
都唔明點解世界上會有咁自私咁自我咁唔識體諒人嘅人！仲要講大話！
依度係公立醫院，唔係私家病房
我唔係老鳳要entertain你架
今次真係膠都有火！🔥🔥🔥🔥
Search